Айтшы, Қарақұс

Tell Me, Eagle

Тамыз, 2026

Аласұрған сұсты суық жүзіңде Мұң жатқанын аспан ғана аңдады-ау Құлазыған шексіз сенің түзіңде Сыр ақтарар ешкімің де қалмады-ау.

Көзің өткір, шалғың әлі тозбаған Қанаттарың ғұмырыңды әлі озбаған Шошақ мазар басындағы ұяңа Көптен бері ешкім келіп қонбаған.

Әлдене іздегеңдей көкті ұзақ шарлайсың Кездесіп қалар біреу деп өз-өзіңді алдайсың Сағым болған арманыңа жете алмай Будақ бұлтқа құлаш жазып самғайсың.

Ұмытасың өзіңдегі жігерді Тырнақтарың түлкіні де ілерді Жалғыз ұшып көкжиекке ұмтылу, Шерден басқа, айтшы, саған не берді?!

– Жаннұр Елнарұлы